Ef þú ert iðin/n við að lita fífla þá ættir þú að birgja þig upp af litnum fífla-gulur. Crayola tilkynnti í gær að framleiðslu á fífla-gulum vaxlit verður hætt og Crayola litasamsetningu vaxlitakassans sem inniheldur 24 liti verður breytt.

Upphaflega stóð til að tilkynnt yrði um hvaða litur yrði látinn fjúka á föstudaginn, sem er alþjóðlegi litadagurinn, en eftir að mynd af litakassa í bandarísku verslunarkeðjunni Target fór á flug á Twitter í gær gaf Crayola frá sér snemmbúna yfirlýsingu þar sem segir að fífla-gulur sé ekki lengur lengur hluti af litafjölskyldunni.

Fífla-gulur kom fyrst til sögunnar fyrir 27 árum. Hann var settur í 24 lita kassann fyrir 18 árum en verður líkt og áður segir skipt út á næstunni. Litlir sem hafa áður verið látnir fjúka eru Blizzard blár, Magic Mint, Mulberry og Teal Blue.