Eldur í kísilveri United Silicon: „Hættulegar aðstæður“

Eldur í trégólfum - Slökkvistarf gekk erfiðlega

Tilkynnt var um eldinn um fjögur leytið í nótt. Mynd: Skjáskot YouTube/Víkurfréttir
Slökkvistarf Tilkynnt var um eldinn um fjögur leytið í nótt. Mynd: Skjáskot YouTube/Víkurfréttir

Eldur kom upp í kísilveri United Silicon í Helguvík í nótt. Að því er fram kemur á vef Víkurfrétta logaði eldur í trégólfum á þremur hæðum í verksmiðjunni.

Jón Guðlaugsson, slökkviliðsstjóri Brunavarna Suðurnesja, segir við Víkurfréttir að slökkvistarf hafi gengið erfiðlega. Til marks um það hafi fyrst verið notast við duft en svo vatn eftir að rafmagn var tekið af.

Tilkynnt var um eldinn um klukkan fjögur í nótt og var slökkvistarfi að mestu lokið á sjöunda tímanum í morgun.

„Það er erfitt að eiga við þetta af því að þetta er nálægt ofninum og hár straumur þarna, þannig að þetta eru hættulegar aðstæður,“ sagði Jón Guðlaugsson í samtali við mbl.is í morgun.

Meðfylgjandi er myndskeið sem Víkufréttir birtu í morgun:

Athugasemdir

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.