Sendibíll dulbúinn til vistaflutninga var sprengdur upp af sjálfsmorðsprengjumanni við rútur sem forða áttu sýrlenskum fjölskyldum úr stríðshrjáðum bæjum
Bílsprengja sprakk í Sýrlandi fyrr í dag, henni var beint að skara af rútum sem voru að forða borgurum í burtu af herteknum svæðum, undir stjórn islamskra mótmælenda. Að minnsta kosti 39 létust í árásinni. BBC greinir frá.
Sprengingin átti sér stað á svæðinu Rashidin við útjaðar Aleppo. Fjöldi hópferðabíla var þar samansafnaður með fjölskyldur Shia múslima um borð og voru að bíða eftir að fá inngöngu í borgina.
Myndir frá atvikinu, sem eru of grófar til að geta verið birtar í fjölmiðlum, sýna logandi lík fórnarlambanna liggjandi á strjáli innan um brenndar rútur með sprengdum rúðum. Meðal þeirra látnu er fjöldi barna.
Talið er að fórnarlömbin séu flest frá bæjunum Foah og Kefraya sem hafa verið umsetnir af íslömskum mótmælendum um langt skeið.
Íbúar þessara bæja hafa soltið þar sem matarbirgðir komast ekki inn fyrir borgarmörkin. En nýverið gerðu stjórn Assad og mótmælendur samning um að fá að flytja fastandi íbúa svæðanna burt með rútum.
Tugir rúta héldu því af stað samkvæmt áætlun síðastliðinn föstudag en þurftu að bíða yfir nótt eftir að fá inngöngu inn í Aleppo.
Enginn hefur enn lýst yfir ábyrgð á sprengingunni en Isis hryðjuverkasamtökin liggja sterklega undir grun, þar sem þau eru þekkt fyrir að leggja fæð á Shia múslima.
Að því er fram kemur í frétt BBC á voðaverkið að hafa verið framið af sjálfsvígsárásarmanni sem ók litlum sendibíl að rútunum sem biðu á Rashidin-svæðinu. Bíllinn var dulbúinn sem ökutæki er flytja átti vistir til fjölskyldnanna í rútunum, en inni í honum voru eintómar sprengjur. Bílnum var lagt alveg upp við rúturnar, þar sem hann var síðan sprengdur.
Góðgerðasamtökin Rauði Hálfmáninn í Sýrlandi var að úthluta máltíðum til farþega rútnanna þegar sprengjan sprakk, en þær höfðu ekki hreifst úr stað í 30 klukkustundir.