Fólkið var á leið frá hernumdum svæðum inn á svæði stjórnarhersins
Að minnsta kosti 24 létust og fjöldi fólks slasaðist þegar rútur sem fluttu flóttamenn á örugg svæði í Sýrlandi urðu fyrir sprengingu á leið inn í Aleppo.
Flóttamennirnir voru á leið frá hernumdum bæjum í útjaðri borgarinnar Aleppo inn á svæði stjórnarhersins í borginni sjálfri þegar sprengingin varð.
Sýrlensk stjórnvöld höfðu samið við uppreisnarmenn um að flytja fólk frá bæjunum til annarra svæða í Sýrlandi sem eru á valdi stjórnarhersins.
