Í haust mun Bláa Lánið opna nýtt lúxushótel og veitingastað þar sem áherslan verður lögð á einstaka upplifun gesta. Hótelið mun heita Moss Hotel en heilsulindin Lava Cove. Þá mun nýr hágæðaveitingastaður opna og mun hann bera sama nafn og hótelið, Moss Restaurant.

Í frétt Víkufrétta kemur fram að 165 manns muni starfa við við hótelið og heilsulindina. Alls verða 62 herbergi í boði og af myndum að dæma verður munaðurinn algjör. Daily Mail, ein vinsælasta fréttasíða veraldar, gerði hótelinu góð skil á dögunum.

Þar kemur fram að dýrasta herbergi, Bláa Lóns Svítan, muni kosta um 300 þúsund krónur á nóttina. Henni fylgir aðgangur að baðlóninu sem auk þess sem einkaþjónn fylgir herberginu. Ódýrustu herbergin verða á um 100 þúsund krónur.

Hér má sjá myndirnar sem birtust á Daily Mail:

Lúxus Alls verða 62 herbergi á Moss Hótel, þar af sex svítur.

Næs Óhætt er að fullyrða að Moss hótelið verður einstakt

Munaður Einkaþjónar munu fylgja hverri svítu en nóttin í þeirri dýrustu mun kosta um 300 þúsund krónur.

Fellur vel inn í landslagið Tölvugerðar myndir sýna hvernig hótelið mun koma til með að líta út.

Heilsulindin Mun bera nafni Lava Cove

Mögnuð veröld „Hugmyndin er að búa til magnaða veröld þannig að maður gleymi daglegu stressi,“ segir framkvæmdastjóri Bláa Lónsins, Dagný Pétursdóttir, í samtali við Víkurfréttir.

Næs 165 störf munu skapast í kringum hótelið og heilsulindina

Dýr leiga Ef svo ólíklega vill til að einhver kjósi að gista í Bláa Lóns svítunni í heilt ár samfellt þá kosta herlegheitin aðeins 110 milljónir króna.

Beint í Lónið Aðgengi gesta að Bláa Lóninu mun verða helsti sölupunktur Moss Hotel

Setustofa Hérna fer örugglega vel um gesti

Moss Restaurant Sæti verður fyrir 60 manns á veitingastaðnum.