„Sálfræðingur hefur ekki komið inn í fangelsið á Akureyri síðan í byrjun árs 2015,“ hefur Fréttablaðið eftir Guðmundi Inga Þóroddssyni, formanns Afstöðu, félags fanga.
Fangi svipti sig lífi í fangelsinu um helgina.
Guðmundur Ingi segir að ekki sé hægt að óska eftir sálfræðiþjónustu því hún sé hvergi sýnileg. Tveir sálfræðingar og tveir félagsráðgjafar starfa hjá Fangelsismálastofnun. Þeir eiga að sinna öllum föngum sem sitja inni sem og föngum í opnum úrræðum.
Guðmundur Gíslason, forstöðumaður fangelsisins á Akureyri, sagði við DV í gær að ekki væri unnt að tryggja að fangar svipti sig ekki lífi.