„Ég skrifaði öllum þingmönnum bréf í morgun og spurði hvort þeir vildu framfylgja ályktun Alþingis um þriggja manna rannsóknarnefnd um einkavæðingu bankanna.“ Svo skrifar Illugi Jökulsson, rithöfundur og fjölmiðlamaður á Facebook.
Bjarni Benediktsson, formaður Sjálfstæðisflokksins, sagði í gær að búið væri að skoða einkavæðingu bankanna margoft og að ekki væri aðkallandi að rannsaka hana. Hann vildi þó ekki útiloka að einsakir þættir yrðu rannsakaðir ef góð ástæða væri til. Hann taldi ekki ástæðu til að fara í víðtækari rannsókn á einkavæðingu bankanna.
Illugi er ekki sama sinnis. Hann biður fólk um að hjálpa sér að fá fram svör frá kjörnum fulltrúum. „Ég er þegar búinn fá allnokkur svör en bara frá þingmönnum þriggja flokka ennþá. Þeir segja allir JAHÁ! En nú er reyndar komið eitt svar frá Sjálfstæðismanni,“ skrifar Illugi.