Síðastliðna helgi var tilkynnt um hvarf hins 25 ára gamla Akbar Salubiro. Salubiro hafði ætlað að í stutt ferðalag til þess að vinna við uppskeru á pálmaolíu. Vinir hans og fjölskyldu fóru að undrast um hann þegar Salubiro skilaði sér ekki heim á réttum tíma.
Leit hófst og svo fór að vinir mannsins fundu sjö metra langa kyrkislöngu í bakgarði heimilis hans. Vanir menn drápu slönguna, ristu hana á hol og þá sást glitta í líflausan líkama. Í frétt Daily Mail kemur fram að nágrannar Salubiro segjast hafa heyrt öskur og grátur um miðja nótt en ekki áttað sig á hvað var í gangi. Þá var nágranni þeirra að öllum líkindum að berjast fyrir lífi sínu gegn ofureflinu.

Hryllilegt myndband hefur nú litið dagsins ljós frá atburðinum. Þar sjást vinir og vandamenn fylgjast með því þegar slangan er skorin á hol og Salubiro kemur í ljós.