Útgerðin vill borga minni veiðigjöld af auðlindinni
Þorgerður Katrín Gunnarsdóttir, sjávarútvegs- og landbúnaðarráðherra, segir að gengi íslensku krónunnar verði ekki fellt og að veiðigjöld verði ekki lækkuð. Fyrirtæki í sjávarútvegi, sem hafi verið veitur réttur á auðlind þjóðarinnar, þurfi að sýna samfélagslega ábyrgð. Þau hafi hagnast mikið síðustu ár.
Þetta kemur fram í Fréttablaðinu. „Það er ekki á dagskrá að lækka veiðigjöldin. Ég er mjög treg til þess,“ er haft eftir henni. Í blaðinu segir Heiðrún Lind Marteinsdóttir, framkvæmdastjóri SFS, að lækka þurfi veiðigjöld en þingmaður Sjálfstæðisflokksins, Teitur Björn Einarsson, tók í sama streng í ræðu á Alþingi í gær
Framkvæmdastjóri HB Granda á Akranesi, sem ætlar að hætta bolfiskvinnslu á Akranesi, vill ekki gefa upp hversu mikið tapið verður á vinnslunni á árinu en Akranesbær hefur kynnt forsvarsmönnum fyrirtækisins aðgerðir upp á ríflega milljarð króna til að bæta aðstöðu HB Granda til vinnslu í bænum.
Þorgerður Katrín segir að allir sjái að það gangi ekki að vera með íslenska krónu. Starfshópur um gjaldmiðlamál sé að störfum og hún voni að sá hópur vinni hratt og örugglega að lausn á málinu.