Fréttir

Hætt við sameiningu Virðingar og Kviku

Björn Þorfinnsson
Þriðjudaginn 28. mars 2017 15:00

„Stjórnir Virðingar hf. og Kviku banka hf. hafa tekið sameiginlega ákvörðun um að slíta viðræðum um sameiningu félaganna. Ákvörðun um að enda samrunaferlið, sem hófst formlega 28. nóvember síðastliðinn, er tekin að vel ígrunduðu máli og er það sameiginlegt álit stjórna beggja félaganna að fullreynt sé,“ segir í sameiginlegri fréttatilkynningu frá fyrirtækjunum.

Fram kemur að starfsfólk fyrirtækjanna hafi lagt hart að sér við undirbúning samrunans og að sú vinna hafi gengið afar vel þrátt fyrir þessa niðurstöðu.

Sameinað félag hefði orðið einn stærsti aðili í eignastýringu á Íslandi með um 220 milljarðar króna í stýringu og fjölda sjóða í rekstri s.s. verðbréfasjóði, fjárfestingasjóði, framtakssjóði, fasteignasjóði, veðskuldabréfasjóði og ýmsa fagfjárfestasjóði. Ekkert verður nú af því að þessi risi á markaði líti dagsins ljós.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af