Ert þú einn af þeim sem hræðist að fljúga og hefur áhyggjur af hvað gerist ef kveikt er á farsímum á meðan á flugi stendur? Eða hefur þú kannski áhyggjur af dularfullum hljóðum í flugvélinni eða hefur þú áhyggjur af að flugvélin, sem þú situr í, muni hrapa beint til jarðar. Þá er ágæt hugmynd að lesa þessa grein en í henni útskýrir breskur flugmaður nokkra hluti sem margir óttast þegar þeir ferðast með flugvél.
Sjá einnig: Allir geta komist yfir flughræðslu
Chris Foster, sem er flugmaður hjá Easyjet, fór yfir nokkur atriði varðandi flug í dagblaðinu Liverpool Echo og útskýrði fyrir lesendum.
Foster sagði að margir hafi áhyggjur af hvað gerist ef farþegar gleyma að slökkva á farsímum sínum. Hann sagði að sú regla væri orðin nokkuð gömul en í dag væri staðan sú að stjórnkerfi flugvéla væru svo fullkomin að ekkert ætti að gerast þótt einhverjir farþegar gleymi að slökkva á farsímum sínum í flugtaki eða lendingu.
Margir hafa áhyggjur af að einhver opni dyr á flugvél á meðan hún er á flugi. Foster sagði að fólk ætti ekki að hafa áhyggjur af því þar sem flugvélar séu þannig gerðar að ekki sé hægt að opna dyrnar fyrr en loftþrýstingur í farþegarýminu hefur minnkað og því sé ekki hægt að opna þær þegar flugvélin er á flugi.
Margir hafa áhyggjur af vélarbilunum í flugvélum og ef þeir heyra dularfull hljóð þá liggur beint við að gjóa augunum út og kíkja á hreyflana. Foster sagði að það væri að sjálfsögðu möguleiki á að flugvélahreyfill bili á meðan á flugi stendur en það séu sáralitlar líkur á því. Hreyflarnir fái gott viðhald og strangar reglur gildi um viðhald þeirra og eftirlit með þeim.
Hann sagði að ekki þurfa að óttast þótt að eldingu slái niður í flugvélar. Þær séu byggðar til að þola flug í slæmu veðri og að verða fyrir eldingum. Flugmenn reyni þó eins og þeir geti að forðast slík veður.