Strawberries rassían: Dyravörður keyrður harkalega í gólfið

Óeinkennisklæddir lögreglumenn sjást á eftirlitsmyndavélum staðarins panta og drekka ótæpilega af áfengi í tálbeituaðgerðinni

Hér má sjá augnablikið þegar lögreglumaðurinn, sem hafði verið að klára bjórinn sinn, gengur hart fram gegn dyraverði sem í þessum ramma er við það að skella harkalega í gólfið og lenda á sviðinu sem þarna sést glitta í.
Dyravörður keyrður í gólfið Hér má sjá augnablikið þegar lögreglumaðurinn, sem hafði verið að klára bjórinn sinn, gengur hart fram gegn dyraverði sem í þessum ramma er við það að skella harkalega í gólfið og lenda á sviðinu sem þarna sést glitta í.

Eitt af sönnunargögnum í kærumálinu gegn lögreglunni vegna aðgerðanna á Strawberries eru myndskeið úr eftirlitsmyndakerfi staðarins. Blaðamenn DV fengu við vinnslu þessarar umfjöllunar að sjá brot úr umræddum myndskeiðum sem sýna annars vegar það sem fullyrt er að séu óeinkennisklæddir lögreglumenn við barinn á kampavínsklúbbnum að panta sér og drekka ótæpilega af áfengi.

Fjallað er um eftirmála Strawberries-rassíunnar í helgarblaði DV. Meðal annars hvernig munir, sem haldlagðir voru í húsleit lögreglu vegna rannsóknarinnar og eru milljónavirði, virðast hafa horfið með dularfullum hætti úr geymslum lögreglu.

Eitt af þessum myndskeiðum sýna aðdraganda aðgerða lögreglunnar á Strawberries þar sem farið var í handtökur á starfsmönnum staðarins þegar verið er að loka umrætt kvöld. Þar sjást tveir menn, sem síðar er ljóst að eru lögreglumenn. Búið er að kveikja ljósin á staðnum vegna lokunar og dyravörður og barþjónar að vísa gestum staðarins á dyr.

Hér má sjá þegar einn lögreglumannanna handtekur barþjóninn. Í forgrunni er lögreglumaður að þamba bjór sinn.
Handtaka í gangi Hér má sjá þegar einn lögreglumannanna handtekur barþjóninn. Í forgrunni er lögreglumaður að þamba bjór sinn.

Annar lögreglumannanna er með bjórflösku í hönd þegar þeir ráðfæra sig hvor við annan, og miðað við það sem síðar gerist eru þeir að skipuleggja handtökuaðgerðir. Lögreglumaðurinn með bjórinn í hönd, fær sér síðan gúlsopa, leggur flöskuna á barborðið og virðist líta eftir félögum sínum sem von er á. Eftir stutta stund snýr dyravörðurinn aftur í mynd eftir að hafa brugðið sér frá, en þá er annar lögreglumannanna að handtaka barþjón við barinn og dyravörðurinn athugar málið.

Þá vindur sér upp að honum hinn lögreglumaðurinn sem nýbúinn var að leggja frá sér bjórflöskuna og grípur í frakka dyravarðarins sem bakkar. Einhver orðaskipti verða þeirra á milli en dyravörðurinn virðist spakur og lítt ógnandi. Af myndbandinu verður ekki annað ráðið en að lögreglumaðurinn keyri dyravörðinn, sem var að hörfa aftur á bak, í jörðina, með þeim afleiðingum að hann fellur harkalega aftur fyrir sig á gólfið af nokkru afli. Lendir meðal annars illa á litlu sviði sem þar er.

Nánar um málið í helgarblaði DV

Viltu lesa meira? Þú getur strax lesið þessa grein og aðrar í heild sinni hér á DV.is með því að ýta á „Sjá meira“ og nýta þér hagstæða áskriftartilboð frá aðeins 928 kr. á mánuði.
Sjá meira »
Gleymt lykilorð?
Auglýsing

Athugasemdir

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.