Nicole Leigh Mosty þingmaður Bjartrar framtíðar sagði í Silfrinu á Rúv í morgun að hún vildi afnema regluna um skerðingu á aðgengi 25 ára og eldri nema að bóknámi við framhaldsskóla.

Ríkisstjórn Sjálfstæðirflokks go Framsóknarflokk settu 25 ára regluna árið 2015. Samkvæmt henni hafa 25 ára og eldri ekki jafnan aðgang að framhaldsskóla og yngra fólk.

Nicole segir mikilvægt að afnema regluna til að jafna aðgang fólks að námi. Hún bendir á að þeir sem eignast barn ungir og þurfi að taka hlé á námi sínu þurfi að greiða hærra verð fyrir menntun sína þegar þeir hafa færi á að hefja nám að nýju.

Nicole ræddi einnig um fátækt á Íslandi. Hún sagði mikilvægt að hin ýmsu svið tæku höndum saman til að bæta stöðu fólks sem býr við sárafátækt. Það þyrfti valdeflingu til frekari þátttöku í samfélaginu og finna fjölbreyttari lausnir fyrir öryrkja sem gætu mögulega unnið hlutastörf sem henta þeim.