Guðni Th. Jóhannesson, forseti Íslands, söng fyrir norsku konungshjónin og gesti þeirra í hátíðarmóttöku á Astrup Fearnley nýlistasafninu í Osló í gærkvöldi. Söngurinn var hluti af ræðu Guðna sem þakkaði Norðmönnum sérstaklega fyrir Torbjörn Egner, sem skrifaði meðal annars Dýrin í Hálsaskógi.

Guðni sagði í ræðunni, sem viðstaddir segja hafa verið sprenghlægilega á köflum, að hann hefði sungið lagið „Dvel ég í draumahöll“ með börnunum sínum árum saman. Líkt og sjá má á myndbandinu sem fylgir fréttinni vakti söngur Guðna óskipta athygli fólks og nokkrir tóku undir með honum.