Þann 13. mars síðastliðinn tilkynntu ættingjar Therese Palmkvist, sem er búsett í bænum Långshytten í Dalarna, í Svíðþjóð, að hún væri horfin. Lögreglunni grunar að henni hafi verið rænt. Engar nýjar vísbendingar hafa borist lögreglu í málinu frá því að greint var frá hvarfi Therese.

Lögreglan engu nær

Þá er talið að töluvert lengra sé síðan Therese, sem er 31 árs, hvarf þó svo að ættingjar hennar hafi ekki tilkynnt það formlega fyrr en nú.

Fjallað er um málið í Aftonbladet. Þar segir að samkvæmt smærri fjölmiðlum í Långshytten þar sem Therese býr hafi ekkert spurst til hennar í marga mánuði.

Biðja almenning um að hafa augun opin

Þrátt fyrir víðtæka leit síðan tilkynningin barst hefur lögreglan enga hugmynd um hvar Therese er niðurkomin.

Þá kemur fram að lögreglan telji grun leika á því að Therese hafi verið rænt. Sænska lögreglan biðlar nú til almennings og vonast til þess að einhver búi yfir upplýsingum sem gætu varpað ljósi á þetta dularfulla mannshvarf.