„Þeir eru að fá heimildir til að reka gistiþjónustu á neðstu hæðinni og einhverja útlits- breytingu.“
Þetta segir Björn Blöndal formaður borgarráðs í samtali við Morgunblaðið. Stofnun múslima á Íslandi má nú reisa viðbyggingu við húsnæði sitt í Skógarhlíð og þar má hýsa gistiþjónustu. Einnig segir að reist verði súla með ljósabúnaði skammt frá húsinu en ekki verður hátalarkerfi á súlunni. Tillagan var samþykkt hjá borginni á síðasta fundi.
Segir Björn að byggt verði við húsið í vesturátt á einni hæð en undir hæðinni verður kjallari. Borgin skiptir sér ekki að því hvort húsnæði verði nýtt til að selja gistirými eða af félagslegum forsendum.
