Saddam Hussain fær ekki vinnu

Einsræðisherrann lést árið 2006.
Saddam Hussein Einsræðisherrann lést árið 2006.
Mynd: reuters

Tuttugu og fimm ára gamall Indverji, Saddam Hussain, á erfitt með að fá vinnu. „Fólk er hrætt við að ráða mig,“ hefur Hindustan Times eftir manninum. Það var afi hans sem nefndi hann í höfðuðið á einræðisherranum Saddan Hussein heitnum, fyrrverandi forsætisráðherra Íraks.

Þó nafnið sé ekki skrifað nákvæmlega eins hefur komið á daginn að afinn gerði Hussain bjarnargreiða. Pilti hefur gengið mjög illa að fá vinnu, þrátt fyrir að hafa staðið sig vel í skóla. Hann er lærður verkfræðingur. Hann hefur sótt um tugi starfa en hefur ekki orðið kápan úr því klæðinu. Við hann hefur að sögn verið sagt að nafnið sé til trafala. Það geti vakið tortryggni.

Haft er eftir sérfræðingi í mannauðsstjórnun að nafnið geti þvælst fyrir manninum, sérstaklega á ferðalögum þegar hann fer í gegn um vegabréfaeftirlit. „Hann gæti lent í því að verða stoppaður eða að fyrirtækið þurfi að hjálpa honum í gegn. Það gæti nægt til að torvelda mögleika hans í ráðningarferlinu.“

Hussain hefur breytt fyrra nafni sínu í Sajid en það hefur ekki reynst nægja. Þegar hann framvísar námsskírteinum kemur hið upprunalega nafn í ljós. Saddam Hussain, nú Sajid Hussain er að sögn BBC að vinna í að fá námsskírteinin endurútgefin, en það tekur tíma.

Til gamans má geta að á sama tíma er maður í Ameríku að róa að því öllum árum að fá nafni sínu breytt í Hitler.

Athugasemdir

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.