Endurupptökunefnd hefur hafnað því að taka upp Al Thani-málið á nýjan leik. Nefndin hafnaði kröfu Magnúsar Guðmundssonar þar um, en hann var fyrir tveimur árum dæmdur til að sitja í fangelsi í fjögur og hálft ár fyrir aðild sína að málinu. Mbl.is greinir frá þessu.
Nefndin hefur hafnað öllum beiðnum um endurupptöku málsins, sem fram hafa komið en Hreiðar Már Sigurðsson, Sigurður Einarsson og Ólafur Ólafsson hafa allir farið fram á slíkt.
