Margir nýta daginn til útiveru
Ferðamenn í borginni hafa ekki farið varhluta af snjónum sem kyngdi niður í nótt og í morgun. Þar sem ekki hefur verið hægt að moka alla vegi hafa sumir þurft að draga ferðatöskur sínar langar leiðir að gististað sínum. Fjöldi fólks hefur nýtt daginn til útivistar, bæði ferðamenn og heimamenn. Sumir láta smá snjó ekki aftra sér fá að nýta hjólið enda eflaust auðveldara en að moka bílinn upp úr snjóskafli. Borgin er einstaklega falleg í þessum vetrarbúning og má sjá ferðamenn í hópum taka myndir af fegurðinni. DV náði nokkrum myndum af gangandi vegfarendum sem flestir virtust njóta útiverunnar.