Dæmdur í þrettán ára fangelsi fyrir morðið á Guðmundi Einarssyni
Endurupptökunefnd hefur úrskurðað að taka beri upp mál Tryggva Rúnars Leifssonar í Guðmundar- og Geirfinnsmálunum. Þetta staðfestir Kristín Anna Tryggvadóttir, dóttir Tryggva, í samtali við Ríkisútvarpið sem greinir frá.
Tryggvi Rúnar var dæmdur í þrettán ára fangelsi árið 1980 fyrir morðið á Guðmundi Einarssyni. Tryggvi Rúnar lést árið 2009. Samkvæmt úrskurði endurupptökunefndar mun Hæstiréttur Íslands því fjalla að nýju um mál hans. Endurupptökunefnd mun birta úrskurði sína í málum Tryggva Rúnars og fimm annarra sakborninga klukkan 14:00 í dag.
Sjá einnig: Guðmundar- og Geirfinnsmálin: Niðurstaða endurupptökunefndar birt í dag.