„Á þeim 26 árum sem ég hef verið hjá Costco þá hef ég ekki séð þetta mikla eftirvæntingu og undirtektir á neinum nýjum markaði og nú á Íslandi.“ Þetta hefur Vísir eftir Steve Pappas, varaforstjóra Costco í Evrópu.

Sjá einnig: Bestu kaupin í Costco

Costco opnar verslun í Kauptúni á Íslandi seint í maí. Forsvarsmenn fyrirtækisins hafa sagt að ein helsta ástæða þess að Ísland varð fyrir valinu sé að þeir sjái mikla möguleika í því að bjóða vörur á mun lægra en hér er fyrir.

Eins og kunnugt er þurfa þeir sem ætla að versla í Costco að gerast meðlimir og borga árgjald. Ársaðild fyrir einstaklinga verður 4.800 krónur en verslunin selur vörur sínar í stórum einingum.

Sjá einnig: Svona geturðu verslað án aðildar

Opið hefur verið fyrir skráningar hjá Costco frá því 9. febrúar, daginn sem forsvarsmenn fyrirtækisins héldu kynningu á Íslandi. Ljóst má vera af ummælum Pappas að Íslendingar hafa tekið vel við sér. Hann vill þó ekki gefa upp hversu margir hafa skráð sig.