Alvarlegt umferðarslys varð á Eyrarsundsbrúnni sem liggur á milli Danmerkur á Svíðþjóðar, í morgun. Að minnsta kosti 10 til 12 bílar, sem voru á leiðinni til Svíþjóðar, skullu saman. Níu einstaklingar hafa verið fluttir á sjúkrahús.

Slysið varð klukkan 08:14 að staðartíma. Mikill viðbúnaður er á brúnni sem hefur verið lokað fyrir bílaumferð í báðar áttir. Fjölmennt lið lögreglu- slökkviliðs- og sjúkraflutningamanna eru á vettvangi. Frá þessu er greint á vefsvæði sænska kvöldblaðsins Aftonbladed.

Langar bílaraðir hafa myndast í báðar áttir við brúnna þar sem alla jafna er mikil umferð á þessum tíma dags.

Fréttin verður uppfærð