Hjalti Úrsus segir að málið gegn syni hans,
„Þetta mál er algjörlega búið,“ segir Hjalti Úrsus Árnason, faðir Árna Gils Hjaltasonar. Árni Gils hlaut fjögurra ára fangelsisdóm í héraði fyrir morðtilraun en áfrýjaði dómnum til Hæstaréttar. Hæstiréttur kvað upp þann úrskurð í gær að málið skyldi sent aftur til héraðsdómstólsins. Hjalti fagnar sigri í málinu enda telur hann útilokað að saksóknari fari áfram með málið. Hjalti var gestur útvarpsþáttarins „Í Bítið“ á Bylgjunni og fór stuttlega yfir málið.
Að hans sögn var málið aldrei rannsakað sem skyldi og það eina sem lögregla hafði í höndunum var framburður tveggja vitna sem staðin höfðu verið að ítrekuðum lygum. „Það voru aldrei nein gögn, það var aldrei nein rannsókn,“ sagði Hjalti.
Árni sat í fangelsi í 277 daga en varðandi næstu skref sagði Hjalti: „Við erum að undirbúa stærsta meiðyrðamál Íslandssögunnar. Þetta var lengra tími en margir í Geirfinnsmálinu sátu í varðhaldi.“