Nokkrir ökumenn voru kærðir fyrir of hraðan akstur í vikunni í umdæmi lögreglunnar á Suðurnesjum. Sá sem hraðast ók var erlendur ferðamaður og mældist bifreið hans á 128 kílómetra hraða á Reykjanesbraut þar sem hámarkshraði er 90 kílómetrar á klukkustund. Hann greiddi sekt á staðnum að upphæð 52.000 krónur, að sögn lögreglu.
Í tilkynningu frá lögreglunni á Suðurnesjum kemur fram að lögregla hafi einnig haft afskipti af ökumanni sem grunaður var um ölvun við akstur og öðrum sem grunaður var um fíkniefnaakstur. Hinn síðarnefndi reyndist hafa amfetamín í vörslum sínum.
