Mikið um innbrot í bíla undanfarið

Mörg innbrot í bíla hafa verið framin á höfuðborgarsvæðinu undanfarið og hefur lögreglan séð ástæðu til að senda frá sér tilkynningu og vara við því að verðmæti séu skilin eftir í bílum. Á Facebook-síðu lögreglunnar segir:

Lögreglan á höfuðborgarsvæðinu varar eigendur og umráðamenn ökutækja við því að skilja verðmæti eftir í bílum. Sé það óumflýjanlegt er mikilvægt að slíkir hlutir séu ekki í augsýn. Þetta er ítrekað hér því nokkuð hefur verið um innbrot í bíla á höfuðborgarsvæðinu að undanförnu. Sömuleiðis er rétt að benda á mikilvægi þess að skilja bíla ekki eftir ólæsta og þaðan af síður ólæsta og í gangi á meðan skroppið er frá.

Þar sem líða fer að jólum er sérstök ástæða til að benda á að jólagjafir séu ekki hafðar í augsýn í ökutækjum, en þær freista þjófa rétt eins og annar varningur.

Athugasemdir

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.