Jólamarkaður í Þýskalandi rýmdur eftir að sprengiefni fannst

Lögregla rýmdi í gær jólamarkað í borginni Potsdam, sem er í nágrenni Berlínar, eftir að dularfullur pakki var skilinn eftir í apóteki rétt hjá markaðnum. Í pakkanum reyndist vera sprengiefni en lögreglan gerði hann upptækan.

Lýst hefur verið eftir manninum sem skildi pakkann eftir en hann er ófundinn. Jólamarkaðurinn var rýmdur og lögregla tók yfir svæðið.

Þúsundir jólamarkaða eru starfræktir vítt og breitt um Þýskaland á þessum árstíma. Í fyrra framdi alsírskur hælisleitandi hryðjuverk á jólamarkaði í Berlín. Hann myrti pólskan ökumann vörubíls og ók bílnum á mannfjölda á markaðnum. Ellefu manns létu þá lífið.

Athugasemdir

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.