Sema Erla Serdar, formaður flóttamannahjálparsamtakanna Solaris, segir það óskiljanlega ákvörðun að fella úr gildi jólauppbót hælisleitenda. Um er að ræða tvöföldun á matapeningum síðustu vikuna fyrir jól.
Hælisleitendur frá 8.000 krónur á viku á hvern fullorðinn einstakling og 5.000 krónur á barn í matarpeninga. Tíðkast hefur að tvöfalda upphæðina síðustu viku fyrir jól en í nýrri reglugerð hefur þessi hækkun verið felld úr gildi.
Sema Erla sagði í viðtali við RÚV í kvöld að Solaris-samtökin ætluðu að krefjast skýringa á þessari ákvörðun. Um væri að ræða mjög lága upphæð fyrir sveitarfélög en hins vegar væri þetta upphæð sem gæti skipt viðkomandi einstaklinga miklu máli, en tvöföldun matarpeninganna hefur auðveldað hælisleitendum að halda jól.