Minningarathöfn um Albanann Klevis Sula verður haldin við Reykjavíkurtjörn í dag. Klevis var tvítugur að aldri og hafði búið á Íslandi í um mánuð. Hann kom hingað til að leita sér að vinnu og til að búa sér og fjölskyldu sinni betra líf, eftir því sem ónefndur vinur hans segir.
Laugardaginn 2. desember urðu Klevis og albanskur vinur hans fyrir líkamsárás á Austurvelli er íslenskur maður lagði til þeirra með hnífi. Klevis lést af sárum sínum á sjúkdrahúsi föstudaginn 8. desember. Íslendingurinn situr í gæsluvarðhaldi.
Fjölskylda Klevis Sula kom hingað til lands í síðustu viku og flutti líkamsleifar hans til Albaníu. Fjársöfnun var haldin til að styrkja fjölskylduna fjárhagslega og náði söfnunin markmiði sínu, þ.e. að standa straum af kostnaði við flutning á jarðneskum leifum Klevis Sula til heimalandsins.
Sem fyrr segir verður minningarathöfn um Klevis Sula haldin við Reykjavíkurtjörn í dag og hefst hún kl.17. Kveikt verður á kertum minningu Klevis Sula. Sjá nánar um athöfnina hér.