Óhætt er að segja að óvenjulegt atvik hafi átt sér stað á dögunum þegar tollverðir stöðvuðu bifreið sem var á leið til Spánar frá Marokkó. Bifreiðin sem um ræðir stöðvuð við Beni-Ensar-landamærastöðina í Marokkó en þaðan er hægt að fara með ferju yfir til Spánar.
Eins og meðfylgjandi mynd ber með sér var búið að koma ungum dreng fyrir í mælaborði bifreiðarinnar, en pilturinn sem um ræðir er tólf ára og frá borginni Conakry í Gíneu. Bílstjóri bifreiðarinnar, 65 ára Marokkói, var handtekinn vegna gruns um smygl á fólki.
Að því er El País greinir frá notaði tollgæslan sérstakan búnað sem nam hjartslátt drengsins. Ljóst má vera að illa hefði getað farið því súrefni var af skornum skammti og var drengurinn hætt kominn af þeim sökum. Sjúkraflutningamenn hlúðu að drengnum og er hann við þokkalega heilsu.