fbpx
Fimmtudagur 24.janúar 2019

DV - Frjáls og óháður miðill

Fáðu DV í áskrift

Þú getur valið prentáskrift eða vefáskrift

Sjá nánar eða Lesa blaðið
Fréttir

Gunnar Smári: Umræðan endar alltaf sem vörn fyrir ofbeldi hástéttarkvenna

Ari Brynjólfsson
Mánudaginn 11. desember 2017 18:30

Gunnar Smári Egilsson sósíalistaforingi og fyrrverandi útgefandi segir að þróun umræðunnar um #metoo sýni hvert borgaralegur femínismi leiðir. Þegar umræða kviknar út frá varnar- og valdaleysi kvenna gagnvart þeim sem fara með völdin þá endar umræðan alltaf sem vörn fyrir konur á borð við Rannveigu Rist, Hönnu Birnu Kristjánsdóttur og Steinunni Valdísi Óskarsdóttur. Í tilviki Rannveigar sé um að ræða skjaldborg fyrir bílinn hennar segir Gunnar Smári.

Í fréttum RÚV í gærkvöldi ræddi Rannveig, sem er forstjóri Rio Tinto á Íslandi, um sýruárás sem hún varð fyrir á heimili sínu í ágúst 2009. Málningu hafði verið sett á húsið hennar og vatnsblandaðri sýru var hellt á bílstjórahurð á bílnum hennar, sýran slettist á Rannveigu með þeim afleiðingum að hún fékk sár í andlitið. Í ljósi #metoo-byltingarinnar sagði Rannveig að öðruvísi hefði verið tekið á sér þar sem hún er kona og gagnrýndi hún yfirvöld fyrir að láta málið niður falla. Í vikunni hefur einnig verið rætt við fjölda kvenna um reynslu þeirra, þar á meðal Steinunni Valdísi Óskarsdóttur fyrrverandi borgarstjóra sem þurfti að þola hörð mótmæli fyrir utan heimili sitt vorið 2010 og Hönnu Birnu Kristjánsdóttur fyrrverandi innanríkisráðherra sem sagði að henni hefði alltaf liðið eins og gesti í stjórnmálum.

Gunnar Smári sagði í innleggi í umræðu um sýruárásina á Rannveigu Rist í hópnum Fjölmiðlanördar á Fésbók að ef yfirstéttarkonur séu innan baráttu á borð við #metoo þá muni baráttan alltaf þjóna yfirstéttinni fyrst og síðast: „Þótt umræða kvikni út frá varnar- og valdaleysi kvenna gagnvart þeim sem fara með völdin; þá endar umræðan alltaf sem vörn fyrir ofbeldi hástéttarkvenna gagnvart almenningi,“ segir Gunnar Smári og bætir við: „Lögmál borgaralegs femínisma á Íslandi er að á endanum ver hann aðeins rétt Hönnu Birnu til að níðast á varnarlausum hælisleitendum. Vonandi verður þessi sveifla hins íslenska metoo frá ofbeldi hins valdamikla gegn hinni valdalitlu í skjóli þöggunar og hljóðlauss samþykkis samfélagsins yfir í andstöðu gegn opinberum mótmælum almennings gegn yfirstéttinni grafskrift borgaralegs femínisma. Með því að reyna sífellt að halda yfirstéttarkonum innan baráttunnar mun baráttan alltaf þjóna yfirstéttinni fyrst og síðast. Og meginkrafa yfirstéttarinnar er alltaf að fá að kúga fólk afskiptalaust.“

Þegar hann var beðinn um að útskýra ummæli sín sagði Gunnar Smári að hann væri ekki að banna valdakonum að heyja sína kvennabaráttu innan síns hóps en vægi þeirra í almennri umræðu verði til þess að þær taka nánast yfir frásagnir hinna valdalausu: „Valdafólk er uppáhalds fórnarlömb fjölmiðla, þeir eiga alltaf erfitt með að stilla upp hinum valdalausu sem persónum sem lesendur/hlustendur geta raunverulega fundið til með.“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fréttir
Í gær

Sjáðu magnað myndband Rúnars af bíræfnum bílaþjóf gómuðum af lögreglu

Sjáðu magnað myndband Rúnars af bíræfnum bílaþjóf gómuðum af lögreglu
Fréttir
Í gær

Sindri ákærður fyrir manndrápstilraun – Stakk Elmar margoft

Sindri ákærður fyrir manndrápstilraun – Stakk Elmar margoft
Fréttir
Fyrir 2 dögum

Hefur þú séð þennan bíl? Lögreglan leitar að honum

Hefur þú séð þennan bíl? Lögreglan leitar að honum
Fréttir
Fyrir 2 dögum

Mynd dagsins: Keyrði fram hjá Háteigsskóla – „Þetta var einhver að flýta sér“

Mynd dagsins: Keyrði fram hjá Háteigsskóla – „Þetta var einhver að flýta sér“
Fyrir 3 dögum

Réttarkerfið kostaði Stacey lífið

Réttarkerfið kostaði Stacey lífið
Fréttir
Fyrir 3 dögum

Lögreglumönnum brugðið eftir atvik í morgun: „Lögreglumaður á vettvangi sagði við kollega sinn að þetta myndi ekki enda vel“

Lögreglumönnum brugðið eftir atvik í morgun: „Lögreglumaður á vettvangi sagði við kollega sinn að þetta myndi ekki enda vel“
Fréttir
Fyrir 3 dögum

Asískt þjófagengi rænir skrautfiskum og kórölum – Kjartan: „Ætli verðmæti þeirra hafi ekki verið um 100 þúsund krónur“

Asískt þjófagengi rænir skrautfiskum og kórölum – Kjartan: „Ætli verðmæti þeirra hafi ekki verið um 100 þúsund krónur“
Fréttir
Fyrir 3 dögum

„Ég sakna þess ofboðslega mikið að fá ekki að tala við mömmu“

„Ég sakna þess ofboðslega mikið að fá ekki að tala við mömmu“