Magnús sakaður um ævintýralega fléttu: Talinn hafa brugðið sér í líki ítalsks sérfræðings

Meint fjársvik nema allt að hálfum milljarði króna

Fjársvikafléttan sem hann er sakaður um er ævintýraleg í meira lagi
Magnús Garðarsson Fjársvikafléttan sem hann er sakaður um er ævintýraleg í meira lagi

Meint flétta Magnúsar í nokkrum skrefum

Ákveðinn hluti gagnvart ítalska fyrirtækið Tenova Pyromet stendur ógreiddur. Kaupverð ekki greitt fyrr en ljósbogaofn, hjarta virkjunarinnar, virkar. United Silicon var þannig í skuld við framleiðanda en átti kröfu á móti.

Stjórn United Silicon telur að Magnús hafi stofnað tvö félög, eitt á Kýpur sem stofnaði svo félag á Ítalíu. Bar það áþekkt nafn og framleiðandi ofnsins.

Í krafti stöðu sinnar er Magnús grunaður um að breyta greiðslufyrirkomulaginu og að greiðslur væru senda á félagið sem bar áþekkt nafn og framleiðandi ofnsins.

Félagið sendi síðan reikning á United Silicon sem greiddi þá í góðri trú um að þarna væri réttur framleiðandi ofnsins.

Þegar kom að endurskoðun United Silicon spurðist endurskoðandi fyrirtækisins fyrir um greiðslurnar og fékk upplýsingar um hverja ætti að hafa samband við. Þegar finna þurfti tengilið á ítalska félagið var leitað til Magnúsar.

Samkvæmt heimildum DV hélt Magnús fram að hið nýja félag væri Mark nokkur Giese í forsvari fyrir. Í títtnefndri kæru United Silicon er talið Magnús hafi talið samstarfsmönnum sínum trú um að Giese væri kominn með nýtt netfang sem hann gaf þeim og endurskoðandanum upp. Í kjölfarið sendi endurskoðandi United Silicon fyrirspurn til tengiliðsins, sem hann taldi að væri áðurnefndur Mark, varðandi greiðslurnar og ekki stóð á svörum. Þau gáfu til kynna að allt stemmdi milli félaganna. Heimildir DV herma að í kærunni sé Magnúsi gefið að sök að hafa sjálfur séð um að svara fyrir hönd Mark Giese og séð um samskiptin við endurskoðandann.

Magnús Garðarsson, fyrrverandi forstjóri og stofnandi United Silicon, var kærður af félaginu til héraðssaksóknara um miðjan september. Mánuði síðar kærði Arion banki Magnús fyrir sömu sakir. Forstjórinn fyrrverandi er grunaður um stórfelld auðgunarbrot og skjalafals sem ná allt til ársins 2014. Talið er að hann hafi svikið út allt að hálfum milljarði króna á meðan hann sinnti trúnaðarstörfum fyrir félagið. Samkvæmt heimildum DV kemur fram í kæru United Silicon að félagið telji að Magnús hafi í tölvupóstsamskiptum brugðið sér í líki ítalsks sérfræðings, Mark Giese, til þess að sannfæra endurskoðanda fyrirtækisins um að allt væri í himnalagi. Magnús neitar alfarið sök í málinu og segir að ásakanirnar séu hluti af skítugum slag um eignarhald fyrirtækisins.

Talinn hafa búið til nýtt félag á Ítalíu

Hin meintu svik snerust um hjarta fyrirtækisins, svokallaðan ljósbogaofn, sem ítalska fyrirtækið Tenova Pyromet framleiddi. Til að byrja með hljóðaði samkomulag United Silicon og Tenova upp á að kaupverðið væri ekki borgað að fullu heldur væri ákveðinn hluti látinn standa ógreiddur þar til allt virkaði eins og það átti að gera. United Silicon stóð þannig í skuld við framleiðandann en gat átt kröfu á móti.

Samkvæmt heimildum DV er talið að Magnús hafi í krafti stöðu sinnar breytt greiðslufyrirkomulaginu til Tenova Pyromet og ítalska fyrirtækið hafi síðan gefið út reikninga í samræmi við það. Talið er að Magnús hafi síðan komið því í kring að stofnað var félag á Kýpur sem síðan stofnaði félag á Ítalíu með afar áþekkt nafn og áðurnefndur framleiðandi ofnsins. Það félag hóf síðan að senda United Silicon reikninga og er Magnúsi gefið að sök að hafa séð til þess að þessir reikningar væru greiddir.

Þegar kom að endurskoðun United Silicon spurðist endurskoðandi fyrirtækisins fyrir um greiðslurnar og fékk upplýsingar um hverja ætti að hafa samband við hjá þessum tveimur ítölsku félögum. Ekki stóð á að fá upplýsingar frá Tenova Pyromet en þegar finna þurfti tengilið á hitt ítalska félagið var leitað til Magnúsar.

Magnús Garðarson/Mark Giese

Samkvæmt heimildum DV hélt Magnús því fram að sá sem var í forsvari fyrir hið nýja félag væri Mark Giese, sérfræðingur hjá Tenova Pyromet. Giese átti tíð erindi til landsins vegna uppbyggingarinnar United Silicon og tók meðal annars skóflustungu að verksmiðjunni ásamt Magnúsi og öðrum. Netfang Giese var því vel þekkt á skrifstofu United Silicion.

Samkvæmt heimildum DV kemur fram í títtnefndri kæru United Silicon að Magnús hafi talið samstarfsmönnum sínum trú um að Giese væri kominn með nýtt netfang sem hann gaf þeim og endurskoðandanum upp. Í kjölfarið sendi endurskoðandi United Silicon fyrirspurn til tengiliðsins, sem hann taldi að væri áðurnefndur Mark, varðandi greiðslurnar og ekki stóð á svörum. Þau gáfu til kynna að allt stemmdi milli félaganna. Heimildir DV herma að í kærunni sé Magnúsi gefið að sök að hafa sjálfur séð um að svara fyrir hönd Mark Giese og séð um samskiptin við endurskoðandann.

Upp komst um hin meintu svik þegar rekstur verksmiðju United Silicon var kominn í kaldakol og fjárhagsleg endurskipulagning hafin. Í kjölfarið var Magnús ákærður og málið er nú í rannsókn.

Viltu lesa meira? Þú getur strax lesið þessa grein og aðrar í heild sinni hér á DV.is með því að ýta á „Sjá meira“ og nýta þér hagstæða áskriftartilboð frá aðeins 928 kr. á mánuði.
Sjá meira »
Gleymt lykilorð?
Auglýsing

Athugasemdir

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.