Mannréttindadómstóll Evrópu hefur dæmt Agli Einarssyni í vil vegna dóms Hæstaréttar þar sem Ingi Kristján Sigurmarsson var sýknaður af meiðyrðum gagnvart Agli. Ingi Kristján birti á Instagram-síðu sinni mynd af forsíðumynd af Agli í tilefni af viðtali við Monitor og skrifaði yfir „Fuck you rapist bastard“.
Mannréttindadómstóll Evrópu dæmir íslenska ríkið skaðabótaskylt og þarf ríkið að greiða Agli ríflega tvær milljónir króna. Málið á rætur sínar að rekja til nauðgunarkæru á hendur Agli sem síðan var fellt niður hjá Ríkissaksóknara.
Dóm Mannréttindadómstóls Evrópu má lesa hér.
Egill fór fram á fyrir Hæstarétti að ummæli Ingi yrðu dæmd dauð og ómerk og fór hann einnig fram á 500 þúsund krónur í skaðabætur. Tveir af þremur dómurum Hæstaréttar töldu að „rapist bastard“ ummælin væru gildisdómur um Egil en ekki staðhæfing um að hann hafi gerst sekur um nauðgun.
Dómararnir tveir, Eiríkur Tómasson og Þorgeir Örlygsson, voru sammála því að tjáning Inga Kristjáns hafi verið innan þeirra marka þess frelsis sem honum er trygg og því ætti að sýkna hann af kröfum Egils. Mannréttindadómstól Evrópu var ekki sammála þessari niðurstöðu og töldu dómarar þar að með þessu væri vegið að einkalífi Egils.