Kólus hefur í samráði við Heilbrigðiseftirlit Reykjavíkur innkallað Gammeldags Lakrids í 350 gr. umbúðum sem merktar eru best fyrir 01.05.18. Ástæðan er sú að varan gæti innihaldið aðskotahlut. Gammeldags Lakrids er dreift á sölustaði um allt land.
Í tilkynningu kemur fram að brot úr hörðu plasti hafi fundist fannst í einum pokanum af vörunni og því eru allir 350 gr. pokar af Gammeldags Lakrids merktir best fyrir 01.05.18 innkallaðir.
Þeir sem hafa keypt Gammeldags Lakrids með þessari dagsetningu geta skilað honum á næsta sölustað eða til Kólus, Tunguhálsi 5.
Eftirfarandi upplýsingar auðkenna vörurnar sem innköllunin einskorðast við:
Vöruheiti: Gammeldags Lakrids
Strikanúmer: 5690657000369
Nettómagn: 350g
Best fyrir: 01.05.18
Lotunúmer: L 305
Framleiðandi: Kólus ehf, Tunguhálsi 5, 110 Reykjavík
Dreifing: Sölustaðir um allt land.