„Það voru vonbrigði að ekki hafi gengið að mynda stjórn VSPB, um pólitískan og félagslegan stöðugleika.“
Þetta segir Logi Einarsson formaður Samfylkingarinnar á Facebook-síðu sinni. Hann er miður sín að ekki hafi tekist að mynda stjórn með þeim flokkum sem voru í stjórnarandstöðu á síðasta kjörtímabili. Logi segir að viðræðurnar hafi verið góðar og þær hafi snúist um að efla heilbrigðiskerfið, sækja fram á menntasviði, byggja upp innviði og réttlátara samfélag.
„Við vorum farin að sjá til lands í því verkefni,“ segir Logi og bætir við að lokum:
„Allan tímann vildi Samfylkingin styrkja slíkt samstarf með Viðreisn. Því höfnuðu Framsókn og þess vegna er það óskiljanlegt að hún noti tæpan meirihluta sem rök fyrir slitum.“