„Þetta er bara eins og eftir alvöru fellibyl. Drottinn minn dýri. Það er eins og geimskip hafi lent hérna,“ segir Vigdís Hauksdóttir, fyrrverandi þingmaður, í myndbandi sem hún birtir á Facebook-síðu sinni. Þar sýnir hún aðkomuna í bakgarði sínum í Hlíðunum þar sem tré rifnaði upp um rótum í nótt. Óveðrið í gær hefur sennilegast ekki farið fram hjá neinum á Suðurlandi en vindhviður fóru allt upp í 35 til 40 metrar á sekúndu.
„Hvernig losnar maður við svona? Alltaf einstakir atburðir sem gerast í kringum mig – n.b ég bý í Hlíðunum – ekki undir Hafnarfjalli,“ skrifar Vigdís. Hún segir í samtali við DV að hún hafi verið heppin að tréð féll í þess átt. „Það var heppni að tréð féll í þessa átt – annars værum við hér gluggalaus á þremur hæðum,“ segir Vigdís.