Banaslys á gatnamótum Sæbrautar og Kirkjusands

Karlmaður lést í umferðarslysi á gatnamótum Sæbrautar og Kirkjusands í Reykjavík í dag, en þar rákust saman bíll og reiðhjól.

Að sögn lögreglu barst tilkynning um slysið klukkan 13.01, en hinn látni var á reiðhjóli. Lögreglan á höfuðborgarsvæðinu og rannsóknarnefnd samgönguslysa rannsaka tildrög slyssins, en ekki er unnt að greina frá nafni hins látna að svo stöddu.

Lögreglan biður þá sem kunna að hafa orðið vitni að slysinu að hafa samband í síma 444 1000, en einnig má senda upplýsingar í tölvupósti á netfangið gudmundur.pall@lrh.is eða í einkaskilaboðum á fésbókarsíðu Lögreglunnar á höfuðborgarsvæðinu.

Athugasemdir

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.