Bílvelta á Grindavíkurvegi og þrír slasaðir: Ökumaður undir áhrifum fíkniefna

Mynd: Ásgeir M. Einarsson

Þriggja bíla árekstur varð í Reykjanesbæ í morgun. Engin slys urðu á fólki en nokkurt tjón á farartækjunum.

Nokkuð hefur verið um umferðaróhöpp í umdæmi lögreglunnar á Suðurnesjum á undanförnum dögum en sem betur fer ekki mikið um slys tengdum þeim.

Þó má nefna bílveltu á Grindavíkurvegi í gær þar sem tveir einstaklingar voru fluttir á bráðamóttöku Landspítalans í Fossvogi. Einn aðili var sendur á Heilbrigðisstofnun Suðurnesja. Ökumaður þeirrar bifreiðar játaði neyslu fíkniefna og í og í kringum bifreiðina fundu lögreglumenn talsvert magn af áhöldum til fíkniefnaneyslu.

Einnig var önnur bílvelta á Grindavíkurvegi. Fjórir voru í þeirri bifreið og héldu bílbelti bifreiðarinnar sem var á hvolfi, þeim föstum þegar lögreglu bar að. Ökumaðurinn og farþegarnir voru fluttir á Heilbrigðisstofnun Suðurnesja til aðhlynningar.

Athugasemdir

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.