„Ég hef horft á yfir 50 klukkustundir af myndböndum“
Frá unga aldri lærum við a Jörðin sé hnöttótt en ekki flöt. En þessu eru ekki allir sammála og halda margir að Jörðin sé flöt. Fólkið sem trúir að jörðin sé flöt segir að það sé eitt stærsta samsæri sögunnar að yfirvöld, NASA og opinberar stofnanir, haldi því fram að Jörðin sé hnöttótt.
Síðustu helgi var haldin alþjóðlega ráðstefnan ‚Flöt Jörð‘ (e. Flat Earth International Conference) í Norður-Karólínu. Þar komu saman hundruð manna sem eiga það sameiginlegt að trúa því að jörðin sé flöt. En af hverju ætli það sé?
Í myndbandinu hér að neðan frá BBC útskýra nokkrir einstaklingar sem fóru á ráðstefnuna af hverju þeir trúa að jörðin sé flöt.
Listamaðurinn Happy segir að jörðin sé flöt. Hann keyrði frá Virginia til að skoða hvers konar fólk mætir á svona ráðstefnu.
„Þau [Þau sem segja að Jörðin sé flöt] líta eðlilega út. Mjög fáir í yfirþyngd. Um 30 prósent reykja sígarettur og aðeins fjögur af þeim sem ég hitti eru héðan,“ segir Happy.
Aðspurð hvernig hún veit að jörðin sé flöt segir Marilyn Teed: „Af því ég hef horft á yfir 50 klukkustundir af myndböndum.“