Hörður Ágústsson, frambjóðandi Bjartrar Framtíðar og eigandi Macland, segist þurfa að endurskoða vinalistann sinn á Facebook. Væntanlega eru það viðbrögð við kosningaúrslitunum sem eru jafnvel enn verri en svartsýnustu stuðningsmenn flokksins bjuggust við. Flokkurinn, sem sprengdi ríkisstjórnarsamstarfið sem leiddi til kosinganna, var að mælast í kringum 2% fylgi á undanförnum vikum. Samkvæmt nýjustu tölum er flokkurinn hins vegar aðeins með rúmt eitt prósent og missir því alla fjóra þingmenn sína.

Björt Framtíð hefur komist í valdastöðu bæði á lands og sveitarstjórnarstiginu. Nú sitja tveir ráðherrar fyrir flokkinn, þau Óttar Proppé heilbrigðisráðherra og Björt Ólafsdóttir umhverfisráðherra. Björt Framtíð á 11 kjörna fulltrúa á sveitarstjórnarstiginu og situr í meirihluta í Reykjavík, Kópavogi og Hafnarfirði, þremur stærstu sveitarfélögum landsins. Þeir fulltrúar hljóta því að vera uggandi um stöðu sína nú en sveitarstjórnarkosningar munu fara fram næstkomandi vor.

Hér eru myndir frá kosningavöku Bjartrar Framtíðar í Oddsson við Hringbraut.