Kjörsókn í síðustu kosningum sem var fyrir um ári síðan var í fyrsta sinn undir áttatíu prósent og hefur á síðustu áratugum farið minnkandi. Eva Heiða Hönnudóttir stjórnmálafræðingur segir í samtali við RÚV að reynt hafi verið að gera átak í að hvetja fólk til að mæta á kjörstað. Í samtali við RÚV segir segir hún:
„Vonandi að það beri árangur hvort sem það verði til þess að stoppa áframhaldandi minnkun eða jafnvel að auka hana, gefa aðeins í aftur.“
Þrátt fyrir að dregið hafi úr þátttöku hér á landi eru Íslendingar að standa sig vel sé miða við kosningaþátttöku í löndunum í kringum okkur.
„Við sjáum það sama gerast hér og hefur verið að gerast víða annars staðar, smá minnkun alltaf.“
Vonandi er að breyting verði á og kjörsókn verði betri en fyrir ári. DV hvetur Íslendinga til að mæta á kjörstað og minnir á að hvert atkvæði skiptir máli. Um leið skorum við á lesendur að taka þátt í könnun DV.
Hvernig ætlar þú að nota þitt atkvæði?