fbpx
Fréttir

Hildur ver biskup: „Ænei, þetta er bara óforsvaranleg þöggunarþrá“

Kristjón Kormákur Guðjónsson
Mánudaginn 23. október 2017 19:00

„Mér finnst til dæmis ekki siðferðilega rétt að stela gögnum og fara á bak við fólk til að afhjúpa mál og leiða sannleikann í ljós. Við þurfum að byrja upp á nýtt með sannleikann að leiðarljósi og þá eru trúmennska, virðing og kærleikur ekki langt undan í þeirri vegferð.“

Þessi ummæli Agnesar M. Sigurðardóttur, biskups yfir Íslandi hefur vakið mikla athygli. Lét hún þau falla í samtali við Morgunblaðið. Reynir Traustason hjá Stundinni brást illa við og tilkynnti að hann ætlaði að segja sig úr þjóðkirkjunni. Fjölmiðlamaðurinn Helgi Seljan gagnrýndi Agnesi M. Og benti á að segir að umfjöllun Kastljóss um barnaníðinginn Karl Vigni Þorsteinsson hafi verið að hluta byggð á slíkum gögnum, sem Agnes væri nú að tala um. Hildur Eir Bolladóttir prestur á Akureyri lætur til sín taka í umræðunni og hefur skrifað tvö innlegg um málið í dag. Í fyrri skrifum sínum sagði hún biskup hafa fullt leyfi til að tjá sig um siðferðisleg álitamál og fólk gæti í kjölfarið andmælt rökum Agnesar.

„ … þetta heitir lýðræði og þykir mjög eftirsóknarvert á heimsvísu, í almáttugs bænum hættið að láta eins og einhver kirkjumafía sé farin af stað að ganga erinda Sjálfstæðisflokksins.“

Illugi Jökulsson setti ofan í við Hildi og benti á að Agnes væri að leggja leið sína til að fordæma uppljóstrara:

„Í þessu sambandi má benda á að ekki einu sinni Bjarni Benediktsson hefur treyst sér til að fordæma lögbannið sem „siðferðilega rangt“ líkt og Agnes virðist gera þarna. Þá má líka geta þess að Agnes hefur ekki – frekar en við hin – minnstu hugmynd um hvort skjölin sem Stundin hefur verið að birta hafi verið stolin. Hún slær því einungis föstu, auk þess sem hún bætir við einhver sé að „fara á bak við fólk“. Hvað á hún við? Ænei, þetta er bara óforsvaranleg þöggunarþrá.“

Hildir tjáði sig svo aftur um biskup og kvaðst ekki vita hvort gögnin sem Stundin hefur undir höndum hafi verið stolin.

„Hins vegar má alveg rökræða hvenær réttlætanlegt er að taka eitthvað ófrjálsri hendi og hvenær ekki. Ég myndi segja að það væri rétt að stela til að bjarga mannslífi og leysa fólk úr ánauð og standa vörð um grundvallar mannréttindi og þá stendur eftir siðaklemman (það er að segja ef þessum tilteknum gögnum hefur verið stolið) hvort það verji öryggi og mannréttindi almennings að stela þeim, ég hef ekki svarið við því en það er mjög áhugaverð spurning sem mér finnst að við eigum að ræða og þurfum ræða […] Ef þessum gögnum hefur hins vegar ekki verið stolið, nú þá er framsetning biskups auðvitað vandræðaleg en biskup er sjálfstæður kennimaður og stendur og fellur með sínum málflutningi. En ergo…. ef gögnunum hefur hins vegar verið stolið þá er allt í lagi að eiga samtal um réttmæti þess.“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fréttir
Fyrir 19 klukkutímum

Helgi um Val banamann: „Hversu fullur má maður vera til þess að einhver megi berja mann til dauða?“

Helgi um Val banamann: „Hversu fullur má maður vera til þess að einhver megi berja mann til dauða?“
Fréttir
Fyrir 19 klukkutímum

Eva Joly sérstakur gestur á 10 ára afmæli hrunsins

Eva Joly sérstakur gestur á 10 ára afmæli hrunsins
Fréttir
Í gær

Gyðingar og múslimar telja að umskurðarbann á Íslandi leiði til útskúfunar: „Þetta er það sem gerðist í Þýskalandi nasista“

Gyðingar og múslimar telja að umskurðarbann á Íslandi leiði til útskúfunar: „Þetta er það sem gerðist í Þýskalandi nasista“
Fréttir
Í gær

Hvað á að gera við konu sem er með vesen? Segja henni upp

Hvað á að gera við konu sem er með vesen? Segja henni upp
Fyrir 2 dögum

Baráttan um fiskinn – Átök framtíðarinnar?

Baráttan um fiskinn – Átök framtíðarinnar?