Íslamskir hryðjuverkamenn verða sífellt fyrirferðarmeiri í Þýskalandi. Alls hafa 900 dómsmál tengd hryðjuverkum verið rekin í Þýskalandi á þessu ári og þar af eru 800 gegn íslömskum hryðjuverkamönnum. Ýmist er um að ræða misstór hryðjuverk eða áform um hryðjuverk.
Allt árið í fyrra voru 250 mál vegna hryðjuverka og því ljóst að vandinn hefur margfaldast.
Varaformaður Frjálsa demókrataflokksins (FDP), Wolfgang Kubicki, segir að fjölga þurfi starfsfólki í dómskerfinu vegna þessara mála auk þess sem hann leggur til að hryðjuverkamönnum sem ekki hafa þýskan ríkisborgararétt verið vísað tafarlaust úr landi.
Hann segir jafnframt að eftirlit með íslömskum öfgamönnum eftir að þeir haf afplánað refsingu sé nauðsynlegt og segir hann að í einstaka tilfellum þyrfti jafnvel að beita rafrænu eftirliti með ökklabandi.
Barbara Havliza, dómari við héraðsdómstólinn í Düsseldorf, varar við innrætingu íslamskra öfgamanna gagnvart öðrum föngum í fangelsum.