Isavia kyrrsetti í gærkvöld flugvél Air Berlin á Keflavíkurflugvelli vegna notendagjalda sem eru í vanskilum sem eru tilkomin vegna greiðslustöðvunar Air Berlin. Isavia hefur heimildir í loftferðalögum til þess að kyrrsetja loftför svo tryggja megi greiðslu vangoldinna gjalda, og hefur því úrræði verið beitt einu sinni áður á Keflavíkurflugvelli.

Í tilkynninngu frá Isavia kemur fram að um sé að ræða vanskil á gjöldum sem stofnaðist til áður en Air Berlin fór í greiðslustöðvun. Ljóst sé að framkvæmdin muni hafa áhrif á ferðir þeirra farþega sem áttu bókað flug með Air Berlin og harmar Isavia að til þessa hafi þurft að koma.

Hins vegar telur Isavia að þessi aðgerð sévegar eina úrræðið sem félagið hefur til þess að tryggja greiðslu skuldar Air Berlin. Var atarfsfólk Isavia til taks á eflavíkurflugvelli í nótt til aðstoða þá farþega sem urðu fyrir áhrifum af þessari aðgerð.