fbpx
Fréttir

Fjölmenn og glæsileg lokahátíð Hróksins í Uummannaq

Kristjón Kormákur Guðjónsson
Fimmtudaginn 12. október 2017 14:13

Hátíð Hróksins í Uummannaq á Grænlandi lauk á miðvikudag með glæsilegri sirkussýningu og veislu. Yfir 200 bæjarbúar á öllum aldri mættu og skemmtu sér konunglega. Börn úr sirkusskóla léku listir sínar og sýndu hvað þau höfðu lært á örfáum dögum undir leiðsögn sirkuslistamannanna Axels Diego og Bjarna Árnasonar frá Sirkus Íslands. Við sama tækifæri var stofnað skákfélag í Uummannaq, enda mikill áhugi í bænum á skák eftir námskeið og fjöltefli síðustu daga.

Hrafn Jökulsson forseti Hróksins þakkaði bæjarbúum frábærar móttökur, og sagði að Íslendingar ættu bestu nágranna í heimi. Hann sagði jafnframt að á næstunni yrði stofnaður velferðarsjóður fyrir börnin í Uummannaq og þorpunum í grennd. Hinn 17. júní gekk gríðarleg flóðbylgja yfir þorpið Nuugaatsiaq sem kostaði fjögur mannslíf. Fólkið þaðan og úr öðru þorpi getur ekki snúið til síns heima vegna hættu á frekari hamförum, og er íbúarnir, alls um 200, flestir í Uummannaq, sem er 1200 bær, 600 kílómetrum norðan við heimskautsbaug.

Fjölmörg börn hafa að undanförnu lært sirkuslistir og skák, auk þess að taka þátt í listsmiðju Ingu Maríu Brynjarsdóttur. Þá heimsóttu leiðangursmenn leikskólann og dvalarheimili aldraðra í Uummannaq, og komu færandi hendi með gjafir frá íslenskum vinum.

Þá færði Hrókurinn hinu nýja skákfélagi mörg taflsett og kennsluefni, auk sirkusáhalda svo börnin geti haldið áfram að æfa sirkuslistina.

Réne Kristiansen, aðstoðarforstöðumaður Barnaheimilisins í Uummannaq, sem er fyrir börn og ungmenni sem ekki geta dvalið hjá fjölskyldum sínum sagði að heimsókn Hróksins hefði haft mikla þýðingu fyrir bæjarbúa: ,,Hér var sannarlega þörf á gleði og hún hefur ríkt í bænum síðustu daga. Það gerist mjög sjaldan að listamenn eða aðrir gleðigjafar leggi leið sína hingað. Ég er þess hinsvegar fullviss um að þetta verður aðeins fyrsta ferð Hróksins hingað og veit að börnin eru strax byrjuð að hlakka til næstu heimsóknar.“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fréttir
Fyrir 19 klukkutímum

Helgi um Val banamann: „Hversu fullur má maður vera til þess að einhver megi berja mann til dauða?“

Helgi um Val banamann: „Hversu fullur má maður vera til þess að einhver megi berja mann til dauða?“
Fréttir
Fyrir 19 klukkutímum

Eva Joly sérstakur gestur á 10 ára afmæli hrunsins

Eva Joly sérstakur gestur á 10 ára afmæli hrunsins
Fréttir
Í gær

Gyðingar og múslimar telja að umskurðarbann á Íslandi leiði til útskúfunar: „Þetta er það sem gerðist í Þýskalandi nasista“

Gyðingar og múslimar telja að umskurðarbann á Íslandi leiði til útskúfunar: „Þetta er það sem gerðist í Þýskalandi nasista“
Fréttir
Í gær

Hvað á að gera við konu sem er með vesen? Segja henni upp

Hvað á að gera við konu sem er með vesen? Segja henni upp
Fyrir 2 dögum

Baráttan um fiskinn – Átök framtíðarinnar?

Baráttan um fiskinn – Átök framtíðarinnar?