Vann til sjö verðlauna á Golden Globe
Kvikmyndin La La Land kom, sá og sigraði á Golden Globe verðlaunahátíðinni í nótt. Hún hlaut sjö verðlaun eða öll sem hún var tilnefnd fyrir. La La Land var meðal annars valin besta myndin í flokki gaman- og söngvamynda.
Damien Chazelle hlaut verðlaun fyrir bestu leikstjórn og svo besta handrit myndarinnar. Þá voru aðalleikararnir, Emma Stone og Ryan Gosling verðlaunuð fyrir leik sinn í myndinni. Justin Hurwitz var verðlaunaður fyrir tónlistina í myndinni og City of Stars var valið besta lagið.
Af öðrum verðlaunum bar það hæst að besta sjónvarpsþáttaröðin var valin Atlanta og leikarinn Donald Glover var valinn besti leikarinn í sjónvarpsþáttaröð (í flokki gamanþátta eða tónlistarþátta) fyrir leik sinn í þáttunum. Besta leikkonan í aðalhlutverki sjónvarpsþáttaraðar (gaman eða tónlist) var valin Tracee Ellis-Ross fyrir Blackfish.
The Crown var valin besta sjónvarpsþáttaröðin í drama-flokki en Billy Bob Thornton besti leikarinn fyrir Goliath. Besta leikkonan í þeim flokki var valin Claire Foy í The Crown.
Moonlight var valin besta kvikmyndin í drama-flokki en besti leikarinn í þeim flokki Casey Affleck fyrir leik sinn í myndinni Manchester By The Sea. Besta leikkonan í sama flokki var Isabelle Huppert fyrir leik sinn í Elle.
Meryl Streep fékk Cecil B Demille-verðlaunin fyrir framlag sitt til kvikmynda.
Besta sjónvarpsþáttaröð – Gaman eða tónlist: Atlanta
Besti leikari í sjónvarpsþáttaröð – Gaman eða tónlist: Donald Glover – Atlanta
Besta leikkona í aðalhlutverki sjónvarpsþáttaraðar – Gaman eða tónlist: Tracee Ellis-Ross – Blackish
Besta sjónvarpsþáttaröð – Drama: The Crown
Besti leikari í aðalhlutverki sjónvarpsþáttaraðar – Drama: Billy Bob Thornton – Goliath
Besta leikkona í aðalhlutverki sjónvarpsþáttaraðar – Drama: Claire Foy – The Crown
Besta stutta sjónvarpsþáttaröð: The People v O.J. Simpson
Besta leikkona í stuttri sjónvarpsþáttaröð eða sjónvarpsmynd: Sarah Paulson – The People v O.J. Simpson
Besti leikari í stuttri sjónvarpsþáttaröð eða sjónvarpsmynd: Tom Hiddleston – Night Manager
Besta aukaleikkona sjónvarpsþáttaröð: Olivia Colman – Night Manager
Besti aukaleikari í sjónvarpsþáttaröð: Hugh Laurie – Night Manager
Besta kvikmynd – Drama: Moonlight
Besti leikari í aðalhlutverki kvikmyndar – Drama: Casey Affleck – Manchester By The Sea
Besta leikkona í aðalhlutverki kvikmyndar – Drama: Isabelle Huppert – Elle
Besta kvikmynd – Gaman eða tónlist: La La Land
Besta leikkona í aðalhlutverki kvikmyndar – Gaman eða tónlist: Emma Stone – La La Land
Besti leikari í aðalhlutverki kvikmyndar – Gaman eða tónlist: Ryan Gosling – La La Land
Besti aukaleikari í kvikmynd: Aaron Taylor-Johnson – Nocturnal Animals
Besta aukaleikkona í kvikmynd: Viola Davis – Fences
Besta teiknimynd: Zootropolis
Besta kvikmynd á öðru tungumáli en ensku: Elle – Frakkland
Besta kvikmyndatónlist: Justin Hurwitz – La La Land
Besta lag í kvikmynd: City of Stars – La La Land
Besta handrit: Damien Chazelle – La La Land
Besti leikstjóri: Damien Chazelle – La La Land
Cecil B Demille verðlaunin fyrir framlag til kvikmynda: Meryl Streep
