Flugupplýsingafyrirtækisins Flightstats hefur birt lista ársins 2016 yfir 10 verstu alþjóðlegu flugfélögin í heiminum en litið vartil stundvísi flugfélaganna. Icelandair er í öðru sæti listans en samkvæmt skráningunni geta farþegar búist við 41 prósent líkum á töfum þegar ferðast er með íslenska flugfélaginu.
Flightstats fyrirtækið heldur utan um flugupplýsingar um öll helstu flugfélög heims en greint er frá þessu á vef Bloomberg
Í
sraelska flugfélagið El Al trónir á toppi listans yfir verstu flugfélögin og má reikna með 56 prósent líkum á seinkun þegar flogið er með því flugfélagi. Þá má finna á listanum Air India, Philippine Airlines, Asiana Airlines, China Eastern Airlines, Hong Kong Airlines, Air China, Korean Air og að lokum Hainan Airlines.
Á meðan trónir hollenska flugfélagið KLM á toppnum yfir þau alþjóðlegu flugfélög sem skara fram úr í stundvísi en samkvæmt tölum Flighstats eru 11,4 prósent líkur á að lenda í seinkun þegar flogið er með því flugfélagi.
Á hæla KLM fylgja síðan Iberia, JAL, Qatar Airways, Austrian, ANA, Singapore Airlines, Delta Air Lines, TAM, Linhas Aéreas og Qantas.