Mynd af ónefndnum karlmanni, sem varð fyrir því óláni að fá spjót í gegn um höfuðið, hefur farið í dreifingu á internetinu. Maður lifði óhappið af en rétt er að vara viðkvæma við myndinni sem birtist hér neðast í greininni. Daily Mail greinir frá málinu.
Eins og að líkum lætur mátti engu muna að maðurinn hlyti bana af. Hann er talinn hafa verið að kafa einhvers staðar við strendur Bahamas-eyja, þegar ógæfan dundi yfir. Mynd af manninum, sem tekin var eftir aðgerðina, og sýnir hann í ágætu yfirlæti ásamt ástvini, er til vitnis um að hann komst lifandi frá óhappinu.
Maðurinn mun hafa verið að veiða fisk með spjóti þegar óhappið varð en ekki liggur fyrir hvernig það bar að. Á samfélagsmiðlum hafa flestir skrifað eitthvað á þá leið að ótrúlegt sé að maðurinn sé lífs. Aðrir lýsa hryllingi, enda vekur myndin upp sterk viðbrögð.
Tugþúsundir, að lágmarki, hafa séð myndina og henni hefur verið deilt mörg þúsund sinnum á samfélagsmiðlum. Gárungarnir hafa ekki látið látið tækifærið fram hjá sér fara, frekar en venjulega. Einum varð á orði að svona ætti ekki að fara að þegar menn vildu gata á sér bæði eyrun. Kona ein setti óhappið í samhengi. „Núna veit hann allavega hvernig fiski líður, þegar hann er veiddur,“ skrifaði hún. Margir hafa einnig sent manninum kveðjur enda má það teljast kraftaverki næst að ekki fór verr.
