Engar frekari upplýsingar verða veittar af málinu fyrr en á fundinum
Lögreglan á höfuðborgarsvæðinu hefur boðað til blaðamannafundar í dag klukkan 17 vegna rannsóknar hennar á hvarfi Birnu Brjánsdóttur. Engar frekari fréttir af málinu verða veittar fjölmiðlum fyrr en á fundinum á eftir.
Þetta kemur fram í orðsendingu sem fjölmiðlar fengu frá Lögreglunni vegna málsins um klukkan hálf 4 í dag.
Umfangsmikil leit hefur verið á suðvesturhorni landsins um helgina. Eftir hádegi fannst ný vísbending í málinu og í framhaldinu voru björgunarsveitarmenn kallaðir inn.