Drakk þrjár stórar dósir af orkudrykknum áður en hann hneig niður og lést
Faðir nítján ára drengs í Bandaríkjunum, Dustin Hood, sem lést árið 2015 hefur stefnt orkudrykkjaframleiðandanum Monster þar sem hann telur að dauða drengsins megi rekja til neyslu á orkudrykkjum fyrirtækisins.
Dustin hneig niður í körfuboltaleik árið 2015, en rannsókn leiddi í ljós að hann hafði innbyrt þrjár stórar dósir af Monster-orkudrykknum síðasta sólarhringinn sem hann lifði. Gríðarlegt magn koffíns var í drykkjunum, eða um 730 millígrömm. Banamein Dustins var hjartaáfall en hann var úrskurðaður látinn skömmu eftir komuna á sjúkrahús.
Viðmið um koffínneyslu ungmenna eru nokkuð á reki, en bandarísku læknasamtökin, Amer-ican Academy of Pediatrics, segja að unglingar eigi alls ekki að innbyrða meira en 100 mil-lígrömm af koffíni á sólarhring á meðan börnum er ráðlagt að neyta ekki koffíns, sama í hversu litlu magni.
Í stefnunni kemur fram að þetta sé ekki eina dauðsfallið sem rekja megi til notkunar orkydrykkja og þá er bent á að ekkert hafi bent til þess að Dustin hafi verið með leyndan hjartagalla áður en hann lést. Ekki liggur fyrir hversu miklar bætur faðir Dustins hefur farið fram á frá orkudrykkjaframleiðandanum.