Donald Trump mun innan nokkurra mínútna sverja embættiseið sem forseti Bandaríkjanna. Athöfnin fer fram á tröppum þinghússins í Washington. Forseti hæstaréttar, John Roberts, mun sverja Trump í embætti.
Trump tekur við keflinu af Barack Obama sem gegnt hefur embættinu síðastliðin átta ár. Obama hélt sinn síðasta blaðamannafund í gærkvöldi og lét þessi orð falla, aðspurður um framtíð Bandaríkjanna með Donald Trum sem forseta.
„Ég held að þetta verði allt í lagi.“
Búist er við að nokkur hundrið þúsund manns muni koma saman til að fylgjast með embættistökunni en innsetningarathöfnin sjálf hófst fyrr í dag. Þá var Pence vígður í embætti um hálf fimm leytið að íslenskum tíma í dag við mikil fagnaðarlæti. Viðstaddir eru meðal annarra þingmenn og ráðherrar Trumo.
Geir H. Haarde, sendiherra Íslands í Washington er viðstaddur embættistökuna.